WhatsApp објави дека воведува нова функција во својата апликација, а тоа се филтри за разговорите
Станува збор за функција која ќе ја „филтрира“ листата на разговори според различни критериуми. Постојат три филтри, кои се појавуваат над листата за разговори за лесен пристап со еден допир. Нивните имиња зборуваат сами за себе: All, Unread и Groups.
Логично, со допирање на All филтерот, ќе бидат прикажани сите разговори на корисникот, Unread овозможува пристап само до оние разговори каде што корисникот има непрочитани пораки (било да се разговори што не се отворени од доаѓањето на нови пораки или оние што корисникот ги означил како непрочитани ), додека филтерот Groups содржи групни разговори и подгрупи на заедници.
Од WhatsApp велат дека стартувањето на апликацијата и пронаоѓањето на посакуваниот разговор треба да биде „брз, лесен и едноставен процес“, а во тоа дефинитивно ќе помогнат новите филтри. Ако ништо, барем ќе има помалку скролање.
Новата функција за филтри на разговорите пристигнува до корисниците постепено, а сите ќе ја имаат на располагање за неколку недели.