Heineken и креативната компанија Bodega се здружија за да го дизајнираат телефонот наречен Boring Phone.
Boring Phone ќе биде произведен од HMD Global за Heineken и Bodega во само 5.000 примероци, а секој од нив ќе стигне до среќник кој ќе ги освои во giveaway.
Овој мобилен телефон е дизајниран да биде што е можно поедноставен, да не содржи апликации од трети страни, ниту да има можност за поврзување на интернет. Се базира на моделот Nokia 2660 Flip, има проѕирно куќиште и прилагодена монохроматска тема.
Доби 2,8-инчен QVGA главен екран со резолуција од 240х320 пиксели и помал надворешен екран од 1,77 инчи. Одзади се наоѓа камера од 0,3 MP со LED блиц, а телефонот користи софтвер Moco RTOS. Корисниците можат да се забавуваат и со култната игра Snake, а има и FM радио и приклучок за слушалки.
Boring Phone поддржува 4G мрежи и има два SIM слота, како и 128 MB простор за складирање кој може да се прошири со помош на microSD картичка. Го напојува батерија со капацитет од 1.450 mAh, која ветува седум дена работа во standby мод и шест часа разговор преку 3G и 4G мрежите.