Galaxy S24 семејството телефони на Samsung наводно добива уште еден член, бидејќи компанијата работи на моделот Galaxy S24 FE, но веројатно нема да биде подготвен наскоро
Новите извештаи од светот на технологијата велат дека Samsung работи на моделот Galaxy S24 FE и дека овој уред ќе се појави на пазарот оваа година.
GalaxyClub NL наведува дека смартфонот нема да биде готов до летото, но дека Fan Edition ќе се појави на крајот на оваа година. Според изворот, Samsung развива проект под кодното име R12, а може да се заклучи дека се работи за Galaxy S24 FE, со оглед на тоа дека R11 беше кодното име за Galaxy S23 FE. R10 беше никогаш необјавениот Galaxy S22 FE, додека ознаката R9 беше резервирана за Galaxy S21 FE.
Доколку Samsung се држи до минатогодишниот план, Galaxy S24 FE би можел да биде лансиран на некои пазари во последните недели од 2024 година, а пошироко на почетокот на 2025 година.
Смартфонот наводно е во завршна фаза на развој, па во наредниот период би можеле да „протечат“ повеќе информации, пишува GSM Arena.