Apple објави дека ќе одржи специјален медиумски онлајн настан на 7. мај (вторник) во 19 часот по средноевропско време, со пренос во живо што ќе може да се гледа на официјалниот сајт Apple.com, како и на официјалниот YouTube канал на компанијата. На поканата за настанот споделена со медиумите стои слоганот Let Loose и прикажува уметнички рендер на Apple Pencil, што сугерира дека новите iPad уреди ќе бидат во фокусот на настанот.
За време на настанот, Apple се очекува да ги објави новите модеи на iPad Pro и iPad Air, заедно со ажурираните Apple Pencil и Magic Keyboard:
- Два нови модели на iPad Pro со M3 чип, OLED дисплеи, потенко куќиште, потенки рамки, опција за мат екран, предна камера со пејзажна ориентација, други промени во дизајнот, а можеби и MagSafe безжично полнење.
- Два нови модели на iPad Air со M2 чип и предна камера со пејзажна ориентација, вклучувајќи го и првиот досега поголкм 12,9-инчен iPad Air со Mini LED дисплеј.
- Нова магична тастатура за iPad Pro со алуминиумско куќиште, поголема подлога за тракпад и други измени во дизајнот.
- Нов Apple Pencil, кој може да има нов „squeeze“ гест за за одредени дејства, кој би можел да го поддржува и visionOS.
Apple нема издадено ниту еден нов iPad модел од крајот на 2022 година, така што овој настан се очекуваше многу долго време.