Една од најновите иновации на вештачката интелигенција (AI) наменета за уметниците е уред наречен Poetry Camera, која ги претвора фотографиите во песни.
Навистина им нема крај на иновациите што се појавуваат во светот на технологијата за вештачка интелигенција. Покрај пишувањето дневни е-пораки и извршувањето на други задачи, вештачката интелигенција сега може да прави фотографиите „да зборуваат и пеат“, да ги предвидува идните човечки постапки, да се натпреварува и да суди на натпревари за вештачка интелигенција, па дури и да ја рекреира Star Trek технологијата.
Келин Каролин Чан и Рајан Матер соработуваа за да го развијат уредот Poetry Camera, проект со отворен код кој комбинира технологија со уметнички дух, што резултира со креација што ги надминува границите на двата домена.
Поетската камера наликува на типична Polaroid камера, но наместо да фотографира, овој уред го трансформира визуелниот инпут во евокативни песни кои сликовито ја опишуваат снимената сцена.
Уредот се напојува со Raspberry Pi компјутер, а го користи и моделот GPT-4 од OpenAI, па претставува комбинација од хардвер и вештачка интелигенција.
Raspberry Pi ги обработува снимените слики, извлекува визуелни податоци и ги пренесува до ВИ компонентата. Модулот за вештачка интелигенција потоа анализира различни аспекти на фотографијата, вклучувајќи бои, дезени, значајни елементи, па дури и емоции што се пренесуваат.
Poetry Camera се роди како страствен проект каде Чан и Матер ја комбинираа љубовта кон технологијата и уметноста.
Откако експериментираше со неколку модели со вештачка интелигенција, Матер го направи вистинскиот потег со моделот GPT-3. Позитивните реакции од семејството и пријателите го мотивираа дуото да го подобри прототипот, што на крајот резултираше со одличен производ.
„Фотографиите и песните не ги чуваме дигитално, има неколку причини за тоа. Прво е полесно, втората причина е приватноста, а третата е што на овој начин им дава дополнително значење на песните. Доколку ја изгубите, веќе ја немате. Сите имаат камери во џебовите благодарение на мобилните телефони, а ние сакавме да направиме нешто сосема поинакво“, рече Матер.
Креаторите на уредот истакнаа дека Poetry Camera нуди повеќе од еден формат на поезија и дека корисниците имаат можност да избираат различни опции, вклучувајќи сонети, слободен стих и хаику.