Google кон средината на мај ќе претстави нов член во својата Pixel 8 серија смартфони. Се работи за подостапниот Pixel 8a, а протечено видео открива како изгледа претстојниот телефон
Ниту еден бренд не е толку лош во чувањето тајни како Google, бидејќи сите нивни телефони веќе неколку години наназад се отркиваат уште пред официјалната премиера.
Веќе со месеци слушаме и за претстојните Pixel 8a и веќе имавме прилика да ги погледнеме рендерите, фотографиите и спецификациите, а сега можеме да го видиме уредот и на видео.
pixel 8a pic.twitter.com/PG711rKBbu
— Arsène Lupin (@MysteryLupin) April 22, 2024
На социјалната мрежа X е објавено видео од отпшакување, снимено во Казабланка, на кое уште еднаш е претставен Pixel 8a и содржината на продажниот пакет.
Како што се очекуваше, новите Pixel 8a телефони пристигнуваат во модерно и тенко пакување со само USB C кабел и Pixel Quick Switch USB A to USB C адаптер.
Се забележуваат модели во светло сина нијанса, која Google ја нарекува Bay, и нијанса на зелена, позната како Mint.
Според неофицијални информации, претходно беше познато дека Pixel 8a ќе добие 6,1-инчен OLED екран со брзина на освежување од 120 Hz. Тоа ќе биде чекор напред во споредба со Pixel 7a со екран од 90 Hz, а осветленоста ќе се искачи до 1400 нита.
Воопшто не се сомневаме дека ќе го користи Tensor G3 чипот на Google, кој ги покренува Pixel 8 и Pixel 8 Pro. Објавувачот од Мароко од малопродажниот пакет наведува 8 GB RAM и 128 GB простор за складирање податоци, како и батерија од 4750 mAh.
На задната страна на Pixel 8a се поставени две камери. Примарна со сензор од 64 MP и OIS стабилизација и 13 MP ултраширока. На предната страна е сместена селфи камера од 13 мегапиксели.