Функцијата Circle to Search на Google која до неодамна беше достапна само на телефоните со Android, пристигна на iPhone, но не на ниво на оперативниот систем, туку преку апликација
Една од најдобрите функции со вештачка интелигенција што неодамна ја претстави Google е Circle to Search, која може да ја користат Android уредите како Samsung Galaxy и Pixel телефоните. Сега оваа функција е достапна и за оние кориснициу со оперативниот систем iOS, односно за корисниците на iPhone уредите, но не на изворно ниво преку оперативниот систем туку преку апликациите на Google.
Благодарение на Google Lens и кратенките за iOS, основната способност на функцијата Circle to Search сега може да се реплицира на кој било iPhone. Google спомена дека оваа технологија за iPhone е покрената од истиот OCR што се користи на уредите со Android, што значи дека можеме да очекуваме функцијата да работи добро дури и на iOS.
Ако сакате да го користите Circle to Search, ќе ви треба најновата верзија на апликацијата Google за iPhone. После тоа, треба да ја стартувате интегрираната апликација Shortcuts, да креирате нова кратенка и да ја додадете опцијата „Take screenshot“ заедно со „Search Image with Lens“. Откако ќе го направите тоа, само треба да и дадете име на вашата кратенка и тоа е тоа.
На тој начин, би требало да можете да го користите Circle to Search без никакви проблеми, а иако корисничкото искуство не е исто како на уредите со Android, сепак ја завршува работата. Апликацијата Google ќе направи скриншот и ќе ја испрати на Google Lens на анализа, прв забележа порталот 9to5Google.