Покрај тоа што користењето на Arm архитектурата обезбедува речиси двојно поголема автономија на уредот, донесува и помали трошоци за инсталација за компанијата Dell
Според новопојавените внатрешни документи, корисниците на претстојниот лаптоп Dell XPS 13 Plus со Qualcomm Snapdragon X процесор ќе уживаат во придобивките од двојното траење на батеријата во текот на задачи како што е репродукцијата на видео. Dell тестираше нови лаптоп модели базирани на Arm архитектура и ги спореди со XPS 13 постарите системи кои користеа Intel Alder Lake-P процесори.
Покрај подолгото траење на батеријата, Dell проценува дека Snapdragon X ќе чини значително помалку. Intel Core i7-1360P вграден во претходната генерација на оваа престижна серија лаптоп компјутери чинеше 293 долари во март 2023 година. Snapdragon X ќе го чини Dell само 145 долари.
Според пишувањето на сајтот VideoCardz, кој цитира резиме на Dell, внатрешното тестирање покажало подобрување од 68% до 98% во траењето на батеријата со платформата Snapdragon X. Точното подобрување варира во зависност од моделот на лаптопот и видот на екранот што се користи. Qualcomm официјално наведува бројка од 25 часа, па дури и малку повеќе, за време на работата на континуирана репродукција на видео во споредба со процесорите Intel Core Ultra.
Ова подобрување се должи на фактот што процесорот Snapdragon е многу поефикасен во работењето од Intel Core Ultra конкуренцијата. Вреди да се напомене дека Dell не планира да го зголеми капацитетот на батеријата за новите модели. Сите варијанти на моделот XPS 13 ќе имаат вградена батерија од 55 Wh, иста како и неговите претходници.
Кај лаптопите со вграден FHD+ дисплеј, моделот Snapdragon X овозможи 29,6 часа видео репродукција на батерија, во споредба со 15,45 часа за моделот со Intel. Со QHD+ дисплејот, батериите издржаа 21,9 часа видео репродукција со Snapdragon процесор, додека Intel моделот можеше да работи само 11,02 часа.
Во случајот со Dell XPS 13 моделот со Intel процесор, компјутерот reproducira[e видео во следните 9,95 часа со едно полнење на батеријата, a поновите XPS 13 модели со вграден Snapdragon X процесор издржаа 16,8 часа.