Се работи за уште една од релативно популарните платформи и апликации за паметни телефони која помага во морето на разновидни понуди да се пронајдат најповолните летови, сместување и превоз за бројните светски дестинации.
Организирањето на патување понекогаш може да биде навистина фрустрирачко искуство, особено кога станува збор за конкретно изнаоѓање на најзгодниот и наједноставен начин да се стигне до посакуваната дестинација и да се избере сместување, без да се пробијат сите дефинирани буџети. За среќа, постојат платформи кои можат да помогнат токму во тоа, а уште една од најпопуларните е токму eSky.
Станува збор за платформа која е достапна во 50 земји и овозможува пребарување на повеќе од 1,3 милиони сместувачки единици како и летови на 950 авиокомпании. Таа има за цел да гарантира дека во секое време е можно да се најде најповолен лет, хотел и друго сместување, како и други видови превоз.
Апликацијата е многу лесна за користење и во однос на своите можности и начинот на користење навистина не се разликува премногу од другите слични апликации и платформи, но сепак нуди некои дополнителни функции. На пример, може да послужи и како инспирација за тоа каде да одите на одмор, а доколку се отвори корисничка сметка, што дефинитивно се препорачува, тогаш може да се складираат и прегледуваат резервациите, а апликацијата може да послужи и како еден вид помошник за патувањат.
Дополнително, бидејќи самата платформа е присутна во педесетина земји, апликацијата е и локализирана, што значи дека може да се користи и на различни јазици, а има и посебен дел посветен на поволни туристички пакети. Самата апликација е бесплатна, па кога планирате патување, дефинитивно вреди да ја испробате и да проверите дали навистина можете да го најдете најприфатливиот лет или сместување.
Апликацијата eSky може бесплатно да се преземе од Google Play на Android и од App Store на iOS.