Откако оваа опција неодамна се појави на мобилната верзија на прелистувачот Chrome, сега апликацијата Google во Android верзијата додаде Notification таб или посветена страница со известувања на главната командна лента.
Користејќи стандардната икона за ѕвонче, посебна страница (таб) со известувања, односно Notifications се приклучи на веќе постоечките опции Discover, Search и Saved како четврта ставка од главната командна лента во Google апликацијатата за уреди со Android.
Патем, апликацијата Google е една од последните која не премина на користење на Material 3 дизајнот. Дури и апликацијата Google за iOS премина на понапредна верзија на дизајнот, со неодамнешното ажурирање што ги отстрани придружните текстуални ознаки за подобро да одговара на изгледот на Gmail.
Посебна страница прикажува известувања и предупредувања испратени од Google Search, за моментните и претстојните временски прилики, информации за летови, спортски резултати, претстојни филмови и ТВ емисии, најактуелните наслови и многу повеќе. Тие се групирани според критериумите „денес“ и „порано“.
Оваа опција е доста корисна ако некогаш пропуштите известување од апликацијата Google и е повеќе фокусирана на важни теми што ве засегаат, отколку на опцијата историја на самиот Android. Допирањето на иконата за ѕвонче ќе го вчита терминот за пребарување поврзан со предупредувањето, додека контекстното мени за секоја ставка ќе ви овозможи да ја избришете и да се откажете од примање такви известувања и испраќање повратни информации.
Опишаната промена веќе е широко применета, но сè уште не е широко достапна за сите корисници. Се очекува така да стане со најновата бета верзија 15.20, пренесува 9to5Google.