Apple денеска ја отвора својата годишна конференција за програмери WWDC, која ќе ја пренесува во живо на официјалната веб-страница, како и на својот YouTube канал.
Во фокусот на првиот ден ќе биде презентацијата на новиот оперативен систем iOS 18, заедно со другите софтверски платформи на компанијата (iPadOS 18, macOS 15, WatchOS 11, tvOS 18 и visionOS 2). Веќе знаеме и кои модели ќе го добијат.
iOS 18, како што се најавуваше некое време, ќе биде најважното ажурирање на iOS досега. Apple се очекува да го користи за да одговори на сета таа вештачка интелигенција, што ја фрлаат во кампот на Android оваа година.
Apple својата вештачка интелигенција се очекуца да ја нарече „Apple Intelligence“, а наводно најмногу ќе се почувствува преку новите можности на асистентот Siri. Транскрипцијата на гласовните белешки и создавањето емотикони, поддржани од вештачката интелигенција, се најавуваат како една од најголемите иновации.
Некои од овие додатоци на Apple Intelligence нема да бидат достапни на постарите модели. Apple допрва треба да го потврди ова, но Гурман тврди дека вештачката интелигенција ќе бара iPhone 15 Pro и понови модели.
Функциите на генеративна вештачка интелигенција се очекува да бидат достапни и на iPadOS 18, macOS 15 и WatchOS 11.
Беа најавени и бројни промени во интерфејсот кои iOS 18 ќе ги донесе во апликациите Photo, Control Center и Messages. Исто така, многу се зборува за новите опции за прилагодување на почетниот екран.
Apple ќе го тестира iOS 18 ова лето. Очекуваме дека во јули ќе биде достапна јавна бета верзија, која секој со компатибилен модел на iPhone ќе може да ја проба.
Новиот iOS 18 ќе го добијат следните модели на iPhone:
- Phone 15
- iPhone 15 Plus
- iPhone 15 Pro
- iPhone 15 Pro Max
- iPhone 14
- iPhone 14 Plus
- iPhone 14 Pro
- iPhone 14 Pro Max
- iPhone 13
- iPhone 13 mini
- iPhone 13 Pro
- iPhone 13 Pro Max
- iPhone 12
- iPhone 12 mini
- iPhone 12 Pro
- iPhone 12 Pro Max
- iPhone 11
- iPhone 11 Pro
- iPhone 11 Pro Max
- iPhone XS
- iPhone XS Max
- iPhone XR
- iPhone SE (2nd generation)
- iPhone SE (3rd generation)
Apple планира да ја претстави i новата апликација Passwords во iOS 18, iPadOS 18 и macOS 15, пред неколку дена објави аналитичарот и новинар на Bloomberg, Марк Гурман. Апликацијата Passwords, која ќе служи како алтернатива на апликациите од трети страни како 1Password и LastPass, ќе им обезбеди поедноставен начин на корисниците на iPhone, iPad и Mac да пристапат до нивните зачувани информации за најавување.
Презентацијата почнува во 19 часот, а ќе можете да ја следите на линкот подолу: