Apple вчера на WWDC 2024 презентацијата го претстави и iPadOS 18, големо ажурирање на оперативниот систем за iPad што ја воведува новата апликација Calculator, редизајнирана лента со табови (tab bar) низ целиот систем и многу повеќе.
iPadOS 18 донесува многу нови функции и подобрувања кои беа воведени и на iOS 18 за iPhone, како што се редизајнираната апликација Photos и новите алатки за прилагодување на иконите на почетниот екран и контролниот центар.
Во iPadOS 18, сите системски апликации ќе бидат збогатени со новата лебдечка лента со табови наречена Tab bar, која суптилно се претвора во странична лента за навигација. Оваа лента со табови е исто така прилагодлива со цел корисниците да ги имаат омилените табови на лесен дофат. Новата верзијат на оперативниот систем за iPad донесува и прелистувач на документи во Pages, Numbers и Keynote.
Покрај тоа, iPadOS 18 за прв пат ја носи апликацијата Calculator на iPad, со нови функции како историја и конверзиja на единици. Математичките белешки им овозможуваат на корисниците да решаваат изрази кога пишуваат со Apple Pencil.
Math notes им овозможуваат на корисниците рачно да пишуваат изрази и автоматски им го пресметува резултатот, прикажувајќи го со ракопис како нивниот. Корисниците можат да користат основна или научна математика, а белешките може да се зачуваат и за подоцна. Поддржани се и променливи, што ви овозможува да решавате алгебарски равенки. Тие можат да се уредуваат за да се видат резултатите кои се менуваат во реално време, па дури и да генерираат графикон.
Notes ги има истите математички способности од Calculator. Notes добива и нови Smart Script способности кои автоматски го подобруваат вашиот ракопис додека пишувате.
SharePlay сега им овозможува на корисниците да допираат и цртаат на екранот кога споделуваат, а може далечински да се контролира туѓ iPad или iPhone. Новиот OS за iPad ги донесува истите подобрувања во Messages и Safari од iOS 18 верзијата за iPhone.
iPadOS 18 вклучува и рафинирани анимации низ интерфејсот, што прави да се чувствуваат уште пореспонсивни. Има и нови API за програмерите за да ги интегрираат овие анимации.
Првата програмерска бета верзија на iPadOS 18 е достапна почнувајќи од вчера, со јавна бета верзија во јули, а официјалната објава е најавена за наесен.