Компанијата Microsoft официјално објави три нови верзии на својата актуелна генерација Xbox конзоли на настанот Xbox Games Showcase 2024.
Помеѓу овие конзоли се две верзии на моделот Series X, како и нова верзија на конзолата Series S.
Xbox Series X 2TB Galaxy Black Special Edition е всушност постоечката Series X со 2TB простор за складирање наместо 1TB. Конзолата има „точкест“ дизајн со сребрени, сиви и зелени детали, додека основата е во светло зелена боја. Контролерот има зелена задна страна и D-рампа со гореспоменатите точки. Оваа верзија ќе чини 600 долари и ќе биде достапна во ограничени количини на одредени пазари.
Xbox Series X 1TB Digital Edition е верзија на актуелниот модел Series X, но без физички драјв. Ова значи дека гејмерите можат само дигитално да пристапуваат до игри и филмови. Доаѓа во бела боја и ќе чини 450 долари на одредени пазари.
Microsoft најави и верзија на црниот Series S модел со 1 TB меморија. Разликата е во тоа што новата верзија доаѓа во бела боја, но остатокот е идентичен со постарата верзија. Цената изнесува 350 долари, а Microsofta наведува дека црниот модел може да се купи додека траат залихите, што значи дека повеќе не се произведува.
