Со цел подобро да се заштити приватноста, повеќе нема да може да се гледаат објавите што корисниците ги лајкнале на мрежата X
Прегледот на објавите што сте ги лајкнале на X повеќе нема да биде јавно достапен. Ова е одлуката што ја донесе социјалната мрежа на Елон Маск за поголема заштита на приватноста на корисниците.
„Оваа недела ги правиме лајковите приватни за подобро да ја заштитиме вашата приватност. И натаму ќе можете да ги видите објавите што сте ги лајкнале, бројот на лајкови и другите метрики за вашите објави ќе продолжат да се прикажуваат под известувањата, повеќе нема да гледате кој лајкнал туѓа објава, но тоа ќе може да го видие авторот на објавата“, соопштија од мрежата Х.
This week we’re making Likes private for everyone to better protect your privacy.
– You will still be able to see posts you have liked (but others cannot).
– Like count and other metrics for your own posts will still show up under notifications.
– You will no longer see who…
— Engineering (@XEng) June 11, 2024
Креаторите на содржини и претплатниците на X не се задоволни со оваа промена, бидејќи велат дека нема да можат да го следат ангажманот на објавите. Се наведува и дека оваа одлука ќе поттикне манипулација преку платени лајкови.
Сепак, Елон Маск тврди дека е важно да им се дозволи на луѓето да лајкуваат објави без страв дека ќе бидат малтретирани поради тоа.
