Apple воведе многу нови функции за време на WWDC конференцијата, a повеќето од нив поврзани со новиот оператувен систем iOS 18, кој ќе биде лансиран во септември годинава. Една од промените која не доби публицитет, се чини дека е доста корисна.
Ова значи дека iPhone моделите со iOS 18 ќе можат да го прикажуваат времето на заклучениот екран, дури и кога батеријата е целосно испразнета. За оваа можност дознавме од објава на корисник на Reddit, кој го покажува својот оневозможен iPhone со испразнета батерија.
Покрај соодветната икона за батеријата, може да се види и натписот iPhone Is Findable, како и времето прикажано во горниот лев агол. Се разбира, тоа е можно до одредено ниво на празнење на батеријата, но излегувањето надвор од оваа зона е тешко да се постигне.
Оваа функција може да биде корисна во неколку ситуации, особено ако не користите часовник, а се надеваме дека во иднина ќе го воведат и производителите на Android.