Додека емитувањето во живо е бесплатно на сите популарни социјални мрежи, платформата X одлучи да почне да го наплаќа
Преносот на содржини во живо наскоро ќе биде можно само со претплата на X, што ќе ја направи единствената социјална мрежа што наплаќа за оваа функција. Стримингот во живо е бесплатен со години на Facebook, Instagram, YouTube, Twitch и TikTok.
„Почнувајќи наскоро, само претплатниците на Premium ќе можат да емитуваат содржина во живо на X. За да продолжите да ја користите оваа функција, надградете ја вашата сметка на Premium“, објавија од X и предизвикаа голем број коментари од незадоволни корисници.
⏩Starting soon, only Premium subscribers will be able to livestream (create live video streams) on X. This includes going live from an encoder with X integration. Upgrade to Premium to continue going live. https://t.co/4uy4Ju0cmU
— Live (@Live) June 21, 2024
Платформаѕа X не даде објаснување за оваа промена, а мрежата и во минатото користеше дополнителни функции, како што се уредување на објавите, пишување подолги текстови и фидови без реклами, за да ги привлече корисниците кон своите претплатнички пакети.
Но, досега не ги преместиле постоечките, бесплатни и широко достапни функции во нивниот Премиум пакет, што може да укаже дека наскоро ќе има уште такви случаи.
