TikTok објави дека категорично не се согласува со наводите на FTC и е разочаран што агенцијата одлучила да поднесе тужба.
Американското Министерство за правда планира претстојната тужба против TikTok да ја фокусира на наводите дека популарната платформа за социјални медиуми ги прекршила правата на приватност на децата, наместо на наводите дека ги заведувала возрасните корисници за нејзините практики за приватност на податоците, според извор запознаен со ова прашање.
Американската Федерална трговска комисија (FTC) истражуваше потенцијални прекршувања на тоа право од страна на TikTok и нејзината матична компанија ByteDance и во вторникот го упати случајот до Министерството за правда.
„Истрагата откри причина да се верува дека именуваните обвинети го прекршуваат или ќе го прекршат законот и дека постапката е во јавен интерес“, се вели во тогашното соопштение на FTC.
Во 2020 година, Ројтерс првпат објави дека FTC и американското Министерство за правда ги истражуваат наводите дека популарната апликација не успеала да го исполни договорот од 2019 година, чија цел е заштита на приватноста на децата.
TikTok рече дека категорично не се согласува со наводите на FTC и е разочаран што агенцијата одлучила да поднесе тужба.
Истрагата е одвоена од тековната загриженост во Конгресот за можноста дека кинеската влада можеби неправилно пристапила до податоците на 170 милиони американски корисници на TikTok, што платформата го негира.