Апликацијата ChatGPT за Mac сега е достапна за сите корисници, објави компанијата OpenAI. Апликацијата првпат излезе во средината на мај, но забележа бавно ширење што досега беше ограничено на претплатниците на ChatGPT Plus.
OpenAI вели дека апликацијата ChatGPT Mac е наменета да им олесни на корисниците пристап до популарниот четбот ChatGPT и да поставуваат прашања за мејлови, скриншотоби, веб-страници и содржината на Mac. Со инсталиранатз апликација ChatGPT, можете да притиснете Option + Space на тастатурата за да се појави интерфејс за разговор за да му поставите прашање на ChatGPT.
Апликацијата има вграден Voice Mode за говорни разговори со ChatGPT, функција за пребарување за прегледување низ минатите разговори и многу повеќе. Со поширокото пуштање во употреба, не е неопходен план за претплата за користење на ChatGPT на Mac. OpenAI ја направи најновата верзија на ChatGPT – GPT-4o, достапна бесплатно, но за ограничен број барања.
The ChatGPT desktop app for macOS is now available for all users.
Get faster access to ChatGPT to chat about email, screenshots, and anything on your screen with the Option + Space shortcut: https://t.co/2rEx3PmMqg pic.twitter.com/x9sT8AnjDm
— OpenAI (@OpenAI) June 25, 2024
Apple воспостави партнерство со OpenAI што ќе резултира со тоа што ChatGPT ќе биде интегриран во iOS 18, iPadOS 18 и macOS Sequoia. Со дозвола од корисникот, вградениот личен асистент Siri на Apple може да предаде комплицирани барања на ChatGPT, пренесувајќи ги информациите до корисникот.
