Redmi Note серијата паметни телефони ги вклучува најпопуларните понуди на Xiaomi. Сегашната генерација ја сочинуваат Redmi Note 13 моделите, а логично е дека следува Redmi Note 14 серијата.
Сега, благодарение на дојавувачот Digital Chat Station, дознаваме дека веројатно е на пат значајна промена во дизајнот, барем кај Redmi Note 14 Pro. Во моментов се карактеризира со посебни испакнатини за сензорите, а идните модели може да имаат квадратен дел со заоблени агли на врвот од задниот дел.
Камерата е четирикратна, но можно е да има три камера сензори и на пример систем за блиц/автофокус. Меѓу очекуваните спецификации се заоблен екран со резолуција од 1,5K, главен сензор од 50MP, чипсет Snapdragon 7s Gen 3 и батерија со капацитет од 5000 mAh.
Очекувањата се дека новата серија ќе биде претставена во септември во Кина, а во наредните месеци ќе стигне и во други региони.
