Иако сите четири модели во iPhone 16 серијата ќе го користат новиот A18, чиповите сепак ќе имаат одредена разлика зависно од моделот
Кодот откриен во базата на Apple од Nicolas Alvarez и споделен со MacRumors ги потврдува плановите на Apple да објави четири модели на iPhone 16 оваа година и укажува дека сите уреди ќе имаат ист чип од A серијата. Се спомнуваат нови броеви на модели кои не се поврзани со актуелните iPhonе уреди и кои ја имаат шемата за нумерирање што Apple ја користи за своите флегшип смартфони.
Кодот ги вклучува следните идентификатори на iPhone: iPhone 17,1, iPhone 17,2, iPhone 17,3, iPhone 17,4, iPhone 17,5
Сите пет почнуваат со ист број, што сугерира дека Apple планира да го користи истиот чип за нив. Кај iPhone 15 моделите кои имаат различни чипови, внатрешните идентификатори имаат посебни броеви.
iPhone 15 – iPhone 15, 4
iPhone 15 Plus – iPhone 15,5
iPhone 15 Pro – iPhone 16,1
iPhone 15 Pro Max – iPhone 16,2
Основните iPhone 15 модели го користат чипот A16 Bionic кој првпат се користеше во iPhone 14 Pro уредите, кои имаа соодветни броеви на модели на iPhone 15,2 за iPhone 14 Pro и iPhone 15,3 за iPhone 15 Pro Max. iPhone 15 Pro и Pro Max го користат чипот A17 Pro, па оттука и идентификаторот 16,x.
iPhone уредите обично го врзуваат идентификаторот на чипот. Сите модли со А16 чип имаат идентификатор што започнува со 15, а претходните уреди што имаа чип А15 симаа идентификатор почнувајќи од 14. Истото важи и за идентификаторот 13,x (A14) и идентификаторот 12,x (A13 ).
Доколку Apple се држи до шемата за нумерирање на идентификаторите што ја користи со години, сите четири модели на iPhone 16 ќе го имаат истиот чип, а тоа е во согласност со гласините и претходните информации. Веќе слушнавме гласини дека уредите ќе го делат чипот, а претходното протекување на кодот во март, исто така ги потврди споделените идентификатори.
Може да се забележи дека се наведени пет броеви на модели, а само четири веројатно ќе бидат поврзани со претстојната iPhone 16 линија. Петтиот потенцијален би можел да биде идниот iPhone SE, но не постои начин да се одреди каков е тој уред во моментов.
Иако очекуваме сите четири модели во iPhone 16 серијата да го користат новиот A18 чип, Apple сепак би можел да прави разлика помеѓу стандардните и Pro моделите, па дури и да им даде на чиповите посебни имиња A18 и A18 Pro. Apple би можел да користи A18 чипови со помал број на јадра на графичкиот процесор за iPhone 16 моделите, чувајќи ги чиповите со подобар графички процесор за iPhone 16 Pro уреди.
Би било логично сите четири модели на iPhone 16 и идниот iPhone SE да го имаат истиот A18 чип поради функциите на Apple Intelligence што се дебитираат во iOS 18. Apple Intelligence бара чип со голема моќ за AI функциите да работат на самиот уред. Во моментов, само iPhone 15 Pro и Pro Max можат да користат Apple Intelligence, а Apple веројатно сака да се погрижи сите идни уреди да ја имаат потребната моќ за машинско учење и задачи со вештачка интелигенција.