Јапонската железничка компанија ќе почне да го поправа својот железнички систем на многу јапонски начин: со помош на напредни хуманоидни роботи, пишува IFLScience.
Роботите наликуваат на џиновски, злонамерни научно-фантастични робот од 1980-тите години.
Почнувајќи од овој месец, голема машина со огромни краци и сурова, несразмерно мала глава што може да се вози на шини ќе се користи за одржување на мрежата на компанијата.
Нејзиниот оператор седи во пилотската кабина на камионот, „гледа“ низ очите на роботот преку камери и далечински ги контролира неговите моќни екстремитети.
Со вертикален дофат од 12 метри, машината може да користи разни додатоци за рацете за да носи предмети со тежина до 40 килограми, да држи четка за боја или да користи моторна пила.
Засега, примарна задача на роботот ќе биде средување гранки по должината на пругите и бојадисување на металните рамки што ги држат каблите над возовите, соопшти компанијата.
Технологијата ќе помогне да се пополни недостигот од работници во Јапонија, како и да се намалат несреќите како што се паѓање работници од високи места или струен удар, соопшти компанијата.
