CMF е подостапната серија на Nothing, во која досега видовме разновидни додатоци со препознатлив дизајн и ниска цена. Сега, за прв пат името ќе го носи и паметен телефон, а се работи за CMF Phone 1, кој беше претставен заедно со слушалките Buds Pro 2 и часовникот Watch Pro 2.
Новиот уред го продолжува дизајнерскиот пристап на компанијата, обезбедувајќи заден панел со интересна форма што не само што доаѓа во различни бои, туку може лесно да се замени. Уште повеќе, во долниот десен агол на задната страна има приклучок за поврзување на различни функционални додатоци – првите се држач, клип за врска и футрола за кредитна картичка. Уредот поседува IP52 рејтинг за водоотпорност.
CMF Phone 1 користи MediaTek Dimensity 7300 5G чипсет во комбинација со 8 GB RAM и 128 / 256 GB меморија што може да се прошири за фајлови. Екранот е 6,67-инчен Super AMOLED со Full HD+ резолуција, врвна осветленост до 2000 нита (700 нита типично) и брзина на освежување до 120 Hz. Има отвоир за селфи камера од 16 MP и под него е скриен скенер за отпечатоци.
Смартфонот нуди двојна главна камера со главен сензор од 50 MP и 2 MP за бока ефекти. Батеријата има капацитет од 5000 mAh и поддржува брзо полнење на 33 вати, како и обратно на 5W. Оперативниот систем е Nothing OS 2.6 базиран на Android 14, а компанијата ветува две години големи надградби на Android и три години безбедносни поправки. Недостасуваат можности за NFC.
CMF Phone 1 е достапен во црна, зелена, сина и портокалова боја по цена од 239 и 269 евра во зависност од конфигурацијата на меморијата.