Ретро PC емулаторот UTM SE е достапен на App Store за iPhone, iPad и Apple Vision Pro уредите, и ова е прв пат Apple да дозволи присуство на PC емулатор за за iOS во својата онлајн продавница за апликации.
UTM SE им овозможува на корисниците да покренуваат класични игри за компјутер, но прво е неопходно бесплатно да се преземе виртуелна машина од веб-страницата на UTM или да се создаде своја од „нула“.
Apple претходно го отфрли UTM SE, но тимот кој стои зад апликацијата преку социјалната мрежа X објави дека со помош на друг програмер сепак ги исполнува сите барања на Apple.
UTM SE ќе се појави и во алтернативната продавница за апликации AltStore PAL, која ќе ја направи достапна за корисниците во Европската унија.