Google објави тизер на својата претстојна Pixel 9 серија паметни телефони, која вклучува нов и флексибилен модел на преклопување.
Во најавата се споменува Pixel 9 Pro Fold како преклопен смартфон дизајниран за ерата на Gemini, а фокусот е и на чет-ботот за вештачка интелигенција на Google. Слично на моделот Pixel 9 Pro во стандардна форма, Fold има истакнато испакнување на модулот за камерата. Леќите се наредени вертикално поблиску до едната страна на телефонот, така што ова испакнување не ја зафаќа целата ширина на уредот што се преклопува.
A foldable phone built for the Gemini era.
Out with the old. In with the Fold.Learn more and sign up for #MadeByGoogle updates: https://t.co/7zTWktAvWk pic.twitter.com/UZDudLiUWB
— Made by Google (@madebygoogle) July 18, 2024
Google допрва треба официјално да го претстави смартфонот, но Android Authority веќе откри многу детали за претстојните модели од Pixel 9 серијата, вклучувајќи ги Pixel 9, Pixel 9 Pro, Pixel 9 Pro XL и Pixel 9 Pro Fold, а објавени се и фотографии. На некои од нив, Pixel 9 Pro Fold е отворен, што открива дека Google ја преместил селфи камерата на внатрешниот екран за поголемо видно поле. На екранот е воочлив и помал набор.
Претстојните уреди ќе бараат поголеми полначи, бидејќи тие генерално се полнат побрзо од нивните претходници, иако Pixel 9 Pro Fold е најбавниот меѓу нив на ова поле.
Покрај преклопниот Pixel 9 Pro Fold, Google во видео тизер го прикажа и стандардниот Pixel 9 Pro.
Сите споменати уреди ќе бидат претставени на настанот Made by Google закажан за 13 август, кој ќе може да се следи во живо преку YouTube со почеток во 19:00 часот по македонско време.