Проекциите покажуваат дека значителните намалувања на цените на електричните автомобили од Кина се селат во Европа и во другите делови на светот, каде што би требало да станат значително поевтини веќе во 2025 и 2026 година
Почнаа да паѓаат цените на батериите за електричните возила, што резултираше со постепено намалување на цените на електричните возила. Главната причина за тоа е падот на цените на литиум-железо-фосфатните батериски ќелии во Кина за дури 51 отсто.
Овој тренд е поврзан и со падот на цените на суровините, како што е литиумот, но и со општиот пад на побарувачката на електрични автомобили, која е поголема од очекуваната во последните месеци.
Резултатот од тоа веќе се чувствува во Кина, па цените на електричните автомобили речиси се изедначија со цените на автомобилите на бензин, но има и многу случаи кога тие се и пониски од нив.
Проекциите укажуваат дека значително намалување на цените на електричните автомобили се движи и кон Европа и другите делови на светот, каде што овие возила би требало да станат значително поевтини веќе во 2025 и 2026 година, пишува Bloomberg.
Глобалната побарувачка за литиум-јонски батерии во 2023 година беше околу 950 гигават часови, додека во исто време глобалниот производствен капацитет (од кој повеќето се троши во Кина) беше дури двојно поголем, според неодамнешните проценки.
Поради оваа причина, аналитичарите предвидуваат дека стремежот на западните производители да развијат сопствени капацитети за производство на батерии на конкурентот на Кина, само дополнително ќе го зголеми проблемот со прекумерните производствени капацитети, според истражувачката организација BloombergNEF.
Ова е, од друга страна, добра вест за потрошувачите, бидејќи пониските цени на батериите значително ќе се одразат во формирањето на цените на новите поевтини модели на електрични автомобили, чиј почеток на производство се планира во следните неколку години.
За очекување е, поради пониските цени на електричните возила, да има пораст на побарувачката и закрепнување на глобалната цена на батериите.
Меѓутоа, има и други фактори кои укажуваат дека пониските цени ќе продолжат некое време, сугерира анализата на Bloomberg.
Ниските цени ќе се задржат барем во следните неколку години, пред сè поради фактот што Кинезите, како и другите производители, продолжуваат да вложуваат многу пари во истражување и развој, автоматизација на производството и изградба на нови фабрики.
