Honor веќе испраќа покани за медиумски настан за време на IFA саемот во Берлин насловен Magic Unfolds, што ја потврдува теоријата дека тогаш ќе се одржи глобалното лансирање на преклопниот модел Magic V3. Главниот настан на компанијата на IFA ќе се одржи на 5 септември.
Honor Magic V3 беше претставен пред неколку дена во Кина, но се чини дека компанијата ја подготвува и својата глобална премиера. Ова го сугерираат информациите на британската веб-страница на компанијата, која еден месец дана ги бара оние кои сакаат да го испробаат смартфонот, а може да се види и натписот дека пристигнува наскоро.
Дополнително, апликантите можат да учествуваат во лотарија за 1.000 фунти и патување за двајца во Германија. Последново сугерира дека глобалната премиера на уредот најверојатно повторно ќе биде во рамките на IFA саемот во Берлин, кој традиционално се одржува на почетокот на септември секоја година.
Well well well, if this isn't about the Magic V3 launching in Europe/ROW I'd be very surprised. Honor just sent out press invites for IFA 2024 (keynote on Sep 5) pic.twitter.com/P7fqdpNI1i
— Roland Quandt (@rquandt) July 18, 2024
Минатата година, токму во Берлин се одржа глобалното претставување на Magic V2, иако неговата продажбапочна дури во јануари оваа година. Се надеваме дека оваа година нема да чекаме долго помеѓу глобалното лансирање и почетокот на продажбата, бидејќи уредот е уште поимпресивен.