Apple сè уште не ја претстави iPhone 16 серијата, но веќе се појавуваат детали за iPhone 17.
Apple најверојатно ќе го претстави iPhone 16 во септември оваа година, додека наследникот ќе пристигне една година подоцна. Кинескиот дојавувач Ice Universe откри неколку детали за членовите на претстојната серија, но го спомна и следниот iPhone SE, кој наводно ќе има OLED екран, што е првпат случај со достапниот паметен телефон на Apple.
Стандардниот iPhone 17 за првпат ќе користи LTPO екран, кој ќе има променлива стапка на освежување до 120Hz. Ова ја отвора можноста за поддршка на функцијата Always-on Display, но Apple сепак може да ја резервира за Pro моделите. Идниот iPhone 17 ќе има 8 GB RAM и A19 процесор.
Кога сме кај Pro моделите, тие ќе добијат A19 Pro процесор, 12 GB RAM и три камери од 48 MP, односно главна, телефото и ултраширока. Конечно, претходно споменатиот iPhone 17 Slim, кој би можел да се нарече и iPhone 17 Ultra, ќе биде целосно редизајниран ултратенок модел.
Без да се спомене целосен редизајн за кој било друг член од семејството, се претпоставува дека Slim/Ultra ќе бидат единствените со новиот дизајнерски јазик, кој можеби нема да се појави кај другите модели до 2026 година.
