Нови спортски содржини на MagentaTV
Ова лето гледачите на MagentaTV ќе имаат можност да ги гледаат Олимписките игри во Париз на 4К во ултра HDрезолуција. Имено, со почетокот на Олимпијадата ќе започне и емитувањето на Eurosport 4K – нов канал на програмата на MagentaTV на којшто ќе се емитува пренос од сите настани на најголемиот светски спортски собир во ултра HD, со кристално чиста слика и највисока можна резолуција.
Новиот канал Eurosport 4K ќе се појави на MagentaTV на време за свеченото отворање на 26 јули и во текот на следниот месец на него ќе бидат прикажани преку 200 часа од натпреварувањата во различни дисциплини од летната Олимпијада во ултра HD квалитет. По завршувањето на Олимписките игри на 11 август, каналот ќе остане како дел од програмата на MagentaTV, а ќе почнат да се емитуваат и спортските канали: Eurosport 3, канал на којшто ќе се емитуваат натпревари во тенис, пинг–понг и голф; Eurosport 5, канал на којшто ќе се емитуваат сите фудбалски натпревари и Eurosport 6, канал на којшто ќе се емитуваат сите кошаркарски натпревари.
Секои четири години, Летните олимписки игри ги обединуваат на едно место најдобрите спортисти во сите најважни спортови во светот за да ги одмерат силите едни против други во текот на 20-на дена полни со врвен спорт, забава и историски достигнувања.
Олимпијците коишто летово ќе се соберат во Париз ќе бидат дел од 33-тото издание на Летните олимписки игри, коишто се одржуваат традиционално на секои четири години уште од 1896 г. (со исклучок на 1916 г. поради Првата светска војна, 1940 г. и 1944 г. поради Втората светска војна и 2020 г. поради Ковид-19). Париз е домаќин на Олимпијадата по третпат – првиот пат во 1900 г., вториот во 1924 г. и сега, 100 години подоцна, уште еднаш ќе ги угости најдобрите спортисти во светот.
Eurosport 4K, достапен во UHD преку MagentaTV, ќе ги пренесува во живо главните моменти, како и највозбудливите моменти од секој ден од натпреварувањата. Класичните олимписки спортови, како атлетика и пливање, повторно ќе бидат во главниот фокус на медиумското покривање, заедно со гимнастиката, велосипедизмот и боречките дисциплини, а оваа година особено интересен ќе биде и кошаркарскиот турнир, за којрепрезентациите на САД, Србија и Шпанија ќе допатуваат со своите најсилни состави.
Гледањето на омилените спортови и спортисти преку овој канал е најблизу до следење на настанот во живо. Искуството е неспоредливо со што било досега бидејќи го носи гледачот директно на спортските терени, преку одличната 4K резолуција, овозможувајќи му најдобар пренос и кристално чиста слика. Не пропуштајте ниту момент од возбудата – гледајте ги Олимписките игри 2024 во ултра HD, само на Eurosport 4K на MagentaTV.