Компанијата Opera претстави подобрувања на својот Opera Browser наменет за оперативниот систем iOS.
Новата верзија донесува подобрен дизајн, вклучувајќи навигација базирана на гестови.
Лентата за пребарување стандардно е поставена на дното за лесна употреба со една рака, а корисниците можат да го активираат табот за пребарување со повлекување на прстот надолу.
Почетната страница доби нов Carousel со вести, резултати во живо од спортски настани, како и информации за производите. QuickType нуди предлози за кориснички прашања, додека корисниците ги внесуваат.
Новата верзија на прелистувачот овозможува преглед на цел екран бидејќи ја крие долната и горната лента кога корисникот ќе почне да скрола, а исто така поддржува и опции за динамична тема.
Aria, технологијата за вештачка интелигенција на Opera, помага да се генерираат фотографии и да одговараат на едноставни прашања. Opera Browser доаѓа и со бесплатни VPN и услуги за блокирање реклами.
