Xiaomi наводно работи на смартфон кој нема да има копчиња, а кој на пазарот ќе се појави во првата половина на 2025 година.
Телефонот се развива под кодното име Zhuque, а карактеристика што се издвојува е тоа што не содржи никакви копчиња.
За жал, изворот на информацијата не откри што всушност ќе ги замени копчињата, па тоа потенцијално би можело да биде комбинација од контроли за движење, но и рабови чувствителни на притисок или дури и гласовни команди.
Смартфонот исто така ќе има селфи камера сместена под екранот, а ќе се напојува со претстојниот процесор на Qualcomm Snapdragon 8+ Gen 4, кој ќе се користи и за Xiaomi 15S Pro, уред кој се очекува меѓу април и јуни 2025 година.
Се чини дека Snapdragon 8+ Gen 4 ќе биде подобрена верзија на Snapdragon 8 Gen 4, кој пристигнува овој октомври.
Дали Zhuque ќе биде успешен или само демонстративен производ како Meizu Zero, останува да видиме.
