Одреден број корисници неодамна забележаа нешто чудно и необично на нивните смартфони – иконата на апликацијата Facebook стана црна со сино „F“.
Од компанијата соопштија дека иконата не се променила кај сите корисници, туку само кај одреден број. Беше истакнато и дека црната иона кај дел од корисниците била само техничка грешка.
На Reddit, корисниците редовно ги следат дури и најмалите промени на апликациите и посочуваат дека често постојат промени во нијансите на боите, со цел да се разликуваат одредени ажурирања.
„Причина за промената беше техничка грешка која сега е решена. Луѓето ќе ја видат промената откако ќе ги ажурираат своите апликации“ изјави Дејв Арнолд од Мета.