Неофицијалните рендер фотографии покажуваат потенок и полесен дизајн на Galaxy S25 Ultra со заоблени рабови, со очекуваните надградби на Samsung на камерата и функциите за вештачка интелигенција, но генерално нема значајни промени во споредба со Galaxy S24 серијата
Сега кога iPhone 16 е официјално претставен, познатите технолошки инсајдери го насочуваат своето внимание кон претстојниот флегшип модел на Samsung. Познатиот извор Ice Universe, познат по прилично веродостојни информации за уредите на Samsung, сподели рендер фотографии кои директно го споредуваат Galaxy S25 Ultra со неговиот претходник.
Според прелиминарните илустрации, новиот телефон ги враќа заоблените агли, иако не во толкава мера како на моделите на iPhone.
Со отстранување на металната рамка, Samsung успеа да го направи својот најнов модел визуелно потенок. Исто така, смартфоноѕ веројатно ќе биде полесен, иако тоа се уште не е сигурно. Иако ќе биде сличен по големина или малку поголем од својот претходник, поради отсуството на метална рамка и поострите агли, изгледа помал.
Слични рендери на новиот водечки телефон на Samsung неодамна се појавија од друг сигурен извор, исто така, прикажувајќи го моделот S25 Ultra со заоблени рабови.
S24 Ultra vs S25 Ultra This is the most direct contrast. The S25U has removed the thick and heavy metal middle frame, which makes it look thinner and lighter. pic.twitter.com/t3G0xBdcVY
— ICE UNIVERSE (@UniverseIce) September 15, 2024
Покрај потенкиот и полесен дизајн, може да се очекува и малку побрз процесор, како што е вообичаено со годишните надградби. Има информации и за камерите на S25 Ultra, каде се шпекулира дека тоа би можело да биде значително подобрување. Најголемата продажна точка веројатно ќе биде Galaxy AI, слично како што Apple Intelligence е клучна карактеристика на iPhone 16. Сепак, претходните телефони на Samsung веќе имаат вградени AI функции.
Новите Samsung телефони се уште неколку месеци од официјалното претставување и тешко дека ќе донесат толку значајни иновации за да се исплати да се чека. Денешната S24 серија нуди некои од најдобрите телефони кои се достапни во моментов, па доколку размислувате да купите еден, слободно одлучете се за некој од актуелните модели, пишува Phone Arena.