Американската агенција за сајбер и инфраструктурна безбедност (CISA) ги предупреди корисниците на Google да го ажурираат Google Chrome што е можно поскоро поради важни безбедносни проблеми.
Google потврди неколку безбедносни пропусти на сите платформи. Тие наведуваат дека надворешни истражувачи откриле над 20 ранливости, од кои осум се категоризирани како високоризични, додека една се смета за критична. Критичната ранливост се однесува на експлоатација на меморијата и стана најчестиот метод за хакирање на Chrome. Имено, хакерите можат да собираат лични податоци без знаење на корисникот.
„Chrome редовно проверува и автоматски ги применува новите ажурирања. Сепак, корисниците кои долго време не го отвориле прелистувачот треба да го ажурираат. По ажурирањето, затворете го Chrome и повторно отворете го за да бидете сигурни дека ја имате најновата верзија“, велат од Google.
Владата на САД ги предупреди федералните вработени да инсталираат итни ажурирања до 18 септември или да престанат да го користат Chrome. CISA потоа ги повика сите други корисници на овој прелистувач исто така да го почитуваат истиот рок.
Како да го ажурирате Chrome? Неопходно е да го изберете менито на Chrome (три точки во горниот десен агол), потоа Help(Помош) и About Google Chrome. Ажурирањето потоа ќе започне автоматски.
