Се очекува Samsung да го претстави Galaxy S24 FE на 26 септември, заедно со Galaxy Tab S10 серијата
Samsung Galaxy S24 FE ќе пристигне, а неколку дојавувања ни даваат добра идеја за тоа што да очекуваме, вклучувајќи ја цената и достапните опции за бои. Сепак, сè уште има одредена мистерија околу вистинскиот датум на лансирање на телефонот, но се чини дека не сме далеку од неговото пристигнување.
Тизер видеото од 10 секунди објавено од Samsung Виетнам го покажува она што изгледа како Galaxy S24 FE, комплетно со задни камери, регулатор за јачина на звук и копче за вклучување, сето тоа спакувано во препознатлива метална рамка. Во ова кратко видео се споменува Galaxy AI, заедно со датумот на објавување на 26 септември (22:00 часот по локално време).
Ова видео првпат го откри корисникот на X – @chunvn8888, кој додаде дека Galaxy S24 FE ќе биде достапен за купување на полноќ на 27 септември (најверојатно во Виетнам), само неколку часа по неговото лансирање во 22 часот на 26 септември.
Лансирање заедно со Galaxy Tab S10 серијата
SamMobile известува дека компанијата ќе започне со прифаќање на пред-регистрации за телефонот од 20 септември, додавајќи дека клиентите кои однапред се регистрираат во Виетнам имаат право на попуст до околу 81 долари. Ова е нешто што компанијата веќе го направи со претстојната Galaxy Tab S10 серија во региони како Индија, така што не може да се исклучи.
Оние кои внимателно ги следат вестите на Samsung ќе забележат и дека 26 септември е датумот кога ќе дебитираат два нови Galaxy Tab S10 таблет уреди . Па така, во овој момент, речиси е сигурно дека Samsung ќе го лансира својот најнов Fan Edition паметен телефон заедно со Galaxy Tab S10 поставата истиот ден, барем во некои региони.
Веќе знаеме многу за Galaxy S24 FE, вклучително и дека ќе има поголем OLED екран од 6,7 инчи и малку поголема батерија од 4.565 mAh. Не се очекуваат промени на полето на камерите, веројатно за да се задржат трошоците под контрола. Во меѓувреме, има гласини дека Samsung ќе го користи чипсетот Exynos 2400e, кој претставува намалена верзија на Exynos 2400 SoC што напојува некои варијанти на Galaxy S24.
Лошата вест за најновиот Fan Edition смартфон е што можеби ќе биде малку поскап од неговиот претходник. Иако првичниот извештај сугерираше поголемо зголемување на цената, сега знаеме дека Samsung можеби нема да оди толку далеку. Наместо тоа, основниот Galaxy S24 FE модел би можел да чини 749 евра во Европа, наспроти цената на Galaxy S23 FE од 699 евра.