Подбрендот на компанијата Xiaomi, Poco наводно планира наскоро да направи нешто сосема ново – Ultra телефон
Серијата Poco F7 е пред излегување, а досега се очекуваше да ги вклучува само моделите Poco F7 и Poco F7 Pro. Но сепак, дојде до пресврт. Благодарение на GSMA базата на податоци на IMEI броеви, глобален регистар кој содржи информации за мобилните уреди на пазарот или оние што допрва ќе пристигнат, потврдено е постоењето на Poco F7 Ultra моделот со ознака 24122RKC7G. Овој телефон се појавува заедно со Poco F7 Pro.
Сепак, со појавувањето на овој нов модел се поставува прашањето дали серијата F7 ќе вклучува три модели, или ќе биде исфрлен основниот модел, и ќе останат само верзиите Pro и Ultra, пишува GSM Arena.
Интересно, бројот на моделот на Ultra верзијата сугерира дека тоа всушност ќе биде ребрендираниот Redmi K80, што е вообичаена практика кај Xiaomi.
Во овој случај, броевите на моделите на Poco F7 Ultra и Redmi K80 укажуваат на заедничка основа, што значи дека хардверските карактеристики, како што се процесорот Snapdragon 8 Gen 3 SoC и 2K OLED дисплејот, најверојатно ќе бидат исти или многу слично на двата уреди.
Другите спецификации на телефонот сѐ уште не се познати, но повеќе информации се очекуваат да бидат достапни во наредните недели.