Кинеските астронаути донесоа 34,6 килограми вселенски примероци на Земјата

Тројца кинески астронаути донеле дома 34,6 килограми вселенски примероци, објавија во понеделникот државните медиуми.

Пристигнувањето на примероците во Пекинг ја означува седмата серија на научни експериментални примероци од кинеската вселенска станица Тиангонг.

Капсулата се спуштила во текот на ноќта во оддалечена област за слетување во кинмескиот регион на Внатрешна Монголија.

Астронаутите се вратија откако добија замени минатата недела, три лица за нова шестмесечна мисија. Новиот тим од една жена и двајца мажи ќе спроведува експерименти, ќе прошета во вселената и ќе инсталира опрема за заштита на станицата од вселенски отпад.

Вселенската станица Тиангонг, што значи Небесна палата, е завршена пред две години и орбитира околу Земјата.

Во последниве години, вселенската програма на земјата врати камења од Месечината и слета ровер на Марс. Целта е да се стави човек на Месечината до 2030 година, со што Кина би станала втора земја по Соединетите држави што го прави тоа.

Претставник на вселенската агенција изјави во април дека Тиангонг маневрирал неколку пати за да избегне остатоци и делумно ја изгубил енергијата кога каблите за напојување на сончевото крило биле погодени од отпад, според извештајот на официјалната новинска агенција Ксинхуа.

Досега, само кинески астронаути одеа на вселенската станица, но портпаролот на вселенската агенција минатата недела изјави дека Кина разговара за избор и обука на астронаути од други земји за да се приклучат во мисијата, објави Ксинхуа.

Астронаутите од неколку земји отпатуваа до Меѓународната вселенска станица, но Кина беше блокирана од програмата најмногу поради загриженоста на САД за военото учество во кинеската вселенска програма.