Компанијата Oppo на 21 ноември ќе одржи глобално лансирање на своите нови флагшип телефони, Find X8 и X8 Pro, на настан кој ќе се одржи на Бали.
Ова лансирање ќе вклучува и светска премиера на ColorOS 15, најновата верзија на OPPO оперативниот систем базиран на Android 15.
По двегодишна пауза, OPPO глобално ги лансира своите флагшип уреди. Find X8 и X8 Pro ќе дебитираат на настанот на Бали, Индонезија, на 21 ноември, означувајќи ја глобалната достапност на ColorOS 15, OPPO-овиот интерфејс базиран на Android 15.
Find X8 и X8 Pro имаат нов дизајн, а значајна промена е што ќе користат MediaTek Dimensity 9400, наместо Qualcomm-ови чипови. Телефоните имаат поремен дизајн, следејќи го општиот тренд инспириран од дизајнот на Pixel 9 Pro XL и iPhone 16 Pro Max. Главната карактеристика на новите OPPO модели е зголемениот капацитет на батериите, без забележливо зголемување на големината или тежината на уредите.
Find X8 има батерија од 5630 mAh, додека X8 Pro располага со огромна батерија од 5910 mAh. Двата уреди користат силициум-карбон технологија за подолг животен век и траење. Нема многу нови функции кај камерите, но глобалното лансирање на Find X8 Pro донесува двојни 50 MP зум леќи кои дебитираа на моделот Find X7 Ultra, што е голема придобивка за корисниците надвор од Кина.
Двата телефона работат на ColorOS 15, базиран на Android 15. Интерфејсот треба да биде сличен на она што го видовме кај OxygenOS 15, но може да има неколку дополнителни опции, пренесува Android Central.