Според најновите информации, сите телефони од Samsung S25 серијата наменети за сите светски пазари ќе користат исклучиво Qualcomm процесори.
Samsung S25 серијата ќе биде лансирана на почетокот на следната година, а изборот на процесор привлече големо внимание на јавноста. Според познатиот инсајдер Ice Universe, сите верзии на Galaxy S25 серијата, вклучувајќи ги S25, S25+ и S25 Ultra, ќе бидат опремени со Qualcomm Snapdragon 8 Elite процесорот, без употреба на Samsung-овиот Exynos 2500 во одделни верзии на телефони за различни пазари, како што беше пракса со претходната генерација.
Ice Universe истакнув дека целата Galaxy S25 серија, наменета за глобалниот пазар, ќе користи Qualcomm процесори и ги повика корисниците да не веруваат на лажни гласини. Главната причина зошто Samsung се откажа од својот Exynos 2500 процесор е тоа што стапката на исправни чипови во производството не е на задоволително ниво и не го исполнува принципот на производна исплатливост кога станува збор за Samsung-овиот 3 nm процес.
Да потсетиме, минатогодишната S24 серија кај Galaxy S24 Ultra користеше Qualcomm процесори на глобално ниво, додека моделите Galaxy S24 и S24+ имаа различни чипови и варијанти со Qualcomm и Exynos процесори, во зависност од пазарот. Exynos 2400 се користеше на повеќето пазари, додека Qualcomm Snapdragon Gen 3 верзиите беа достапни само на неколку пазари, како што се САД, Тајван и Хонг Конг. Тоа во некои случаи предизвика незадоволство и грижа кај корисниците во однос на перформансите и загревањето на Exynos процесорите.
Кај следниот Galaxy S25 флегшип нема повеќе грижи и дилеми, сите модели ќе имаат најмоќната верзија на Qualcomm Snapdragon 8 Elite процесорот. Сепак, имајќи ја предвид растечката цена на овој чип, останува големо прашање дали тоа ќе влијае на растот на цената на телефоните од S25 серијата, што е во центарот на вниманието на корисниците.
Претходната Galaxy S24 серија беше претставена на 18 јануари оваа година. Според моменталните информации, новата Galaxy S25 серија може да биде претставена порано и се очекува да стане првиот Android флегшип телефон во 2025 година.