Популарната апликација Google Maps добива нова корисна функција пред божиќните и новогодишните празници, а тоа се листи на производи од различни продавници.
Ова значи дека корисниците на апликацијата ќе можат да пребаруваат производи од одбрани продавници директно преку лентата за пребарување во Google Maps.
Производите ќе бидат ажурирани со листи на залихи, за корисниците да знаат каде и кога можат да ги подигнат. Резултатите од пребарувањето ќе прикажуваат листи на производи за артикли како облека и електроника, слични на оние кои може да се најдат на Google Shopping.
Апликацијата добива и ажуриран планер за патувања, кој ќе им помогне на корисниците да избегнат гужви во сообраќајот и доцнења во јавниот превоз. Maps ќе прикажува ажурирани извештаи за состојбата на патиштата, како снег и блокирани сообраќајници.
Корисниците на електрични возила сега можат да планираат патувања на своите паметни телефони со детали за застанувања за полнење на батеријата, а потоа овие детали директно да ги испратат до своето возило. Возачите во Северна Америка кои се занимаваат со транспорт сега можат да ги внесат димензиите на товарот и да добијат опции за рути кои се соодветни за возила со приколка, со што ќе избегнат ниски мостови и тунели.
