Според пријави од корисници на Reddit, ажурирањето на One UI 6 Watch за Galaxy Watch 6 ќе пристигне точно на 25 ноември.
Samsung минатиот месец ја издаде стабилната верзија на One UI 6 Watch за бета-тестерите на Galaxy Watch 6 во САД и Јужна Кореја, а до крајот на месецот се очекува да биде достапна и за сите други корисници ширум светот.
Според Aptivi, корисниците на Reddit пријавиле дека ажурирањето за Galaxy Watch 6 Manager донело нов графички кориснички интерфејс (GUI) и освежени изгледи на часовникот (watch faces). One UI 6 Watch, кој е базиран на Wear OS 5, ќе биде достапен за преземање од 25 ноември.
Постарите модели на паметни часовници од Samsung, Galaxy Watch 4 и Watch 5, сè уште се во фаза на бета тестирање на новата верзија на системот, а моментално нема информации кога ќе добијат стабилна верзија.