Вработените во Google го споредуваат лаптопот со MacBook Pro на Apple, Dell XPS линијата, Microsoft Surface Laptop, како и Samsung Galaxy Chromebook
Компанијата Google првпат го искористи името Pixel за оригиналниот Chromebook Pixel уште во 2013 година, а откако оваа линија беше укината во 2017 година, името продолжи да живее низ целото портфолио на мобилни уреди на Google.
Според изјави од извори, Google наскоро ќе претстави нов лаптоп, кој ќе го носи името Google Pixel Laptop, а неговото интерно кодно име е Snowy.
Вработените во компанијата го споредуваат со MacBook Pro на Apple, Dell XPS линијата, Microsoft Surface Laptop, како и Samsung Galaxy Chromebook, што значи дека ќе припаѓа на високата класа.
Од друга страна, сè уште не е познато дали ќе користи Google Chrome OS или Windows, но поголеми се шансите дека ќе биде опремен со Chrome OS.