Веќе некое време кружат гласини дека Samsung подготвува целосно нов модел во својата флегшип серија смартфони Galaxy S25. Станува збор за Galaxy S25 Slim, кој, според сè, ќе понуди нешто повеќе од само тенок дизајн.
Според познатиот дојавувач @UniverseIce, уредот ќе има подобрена и напредна камера, која ќе надмине тоа што ќе го понуди основниот Galaxy S25. Очекувањата се главниот сензор и оној со перископски телеобјектив да останат исти како кај Galaxy S24, но да има подобрување кај третиот сензор.
Тој го споменува Vivo X200 Pro Mini, кој има три сензори од по 50MP, а според него, моделот на Samsung ќе користи слично решение.
Во меѓувреме, претходните гласини укажуваат дека основниот Galaxy S25 нема да има значајни подобрувања во однос на камерите.
Сепак, во овој момент сè уште станува збор за гласини, и останува да видиме дали овие информации ќе се покажат како точни. Постои можност моделот Slim да биде претставен подоцна во 2025 година, а не заедно со останатите модели од серијата Galaxy S25.