Откако неодамна видовме макети од следниот флегшип смартфон на Samsung, Galaxy S25 Ultra, сега се појави и видео од уредот. Станува збор за видео клип со траење од 10 секунди, кој беше споделен на Reddit.
Потоа, дојавувачот @UniverseIce потврдува дека навистина станува збор за Galaxy S25 Ultra. Така добиваме одлична претстава за претстојните промени во дизајнот.
Galaxy S25 Ultra има рамна странична рамка со малку заоблени рабови, а хардверските копчиња се поставени на десната страна. Распоредот на главната камера е во традиционалниот стил од последните години.
Погледнете го твитот овде.
Од видеото, сепак, не можеме да добиеме целосна претстава за екранот, но се очекува тој да има уште потенки странични рамки.
До премиерата на новата серија не останува многу време, бидејќи таа се очекува во јануари. Традиционално, пред претставувањето се откриваат речиси сите детали за уредите, што значи дека нема да треба да чекаме уште долго за повеќе информации.
