Планираниот редизајн на внатрешната архитектура на iPhone 18, чија објава се очекува во 2026. година, почна поради оптимизација на самиот уред, за да може да одговори на идните барања што ќе ги постави вештачката интелигенција…
Од iPhone 4, Apple користи Package-on-Package (PoP) конфигурација на меморија, каде RAM-от (работната меморија) се поставува директно на врвот на системот на чипот (SoC). Иако PoP обезбедува компактен начин на решение, идеален за ограничен просторот внатре во паметниот телефон, тој создава проблеми со одведувањето на топлината, особено за време на захтевни задачи, како што е AI обработката.
Одвојувањето на RAM од SoC носи предности. Топлината може поефикасно да се распрсне, што директно спречува намалување на перформансите за време на интензивна AI обработка. Новиот редизајн овозможува поголеми брзини на пренос на податоци помеѓу RAM меморијата и чипсетот, што е клучно за обработка на сложени AI операции.
PoP архитектурата не е оптимална
Како што објаснува добро информираниот корејски портал The Elec: „PoP архитектурата не е оптимална за AI обработка на самото уредство. За да разбереме зошто, важно е да објасниме како функционира пропусноста на податоци во мемориските системи. Пропусноста се одредува со три клучни фактори: брзината на пренос на податоци, ширината на податочната сабирница и бројот на канали за пренос на податоци. Ширината на сабирницата и бројот на канали директно зависат од бројот на влезно-излезни (I/O) пинови на чипот. За да се зголеми бројот на пиновите и да се подобри пропусноста, потребно е да се зголеми големината на пакувањето. Но, тука настанува проблем со PoP архитектурата – големината на меморијата е ограничена со големината на системот на чипот (SoC) на кој се наоѓа, што автоматски го ограничува и максималниот број на I/O пинови што може да се имплементираат.“
HBM мемориите како алтернатива
Алтернативно решение би можело да биде користење на меморија со висока пропусност (HBM – High-Bandwidth Memory), која се користи во серверски чипови. Сепак, оваа технологија има свои ограничувања кога станува збор за примена во паметни телефони. Два главни предизвици се физичката големина на HBM меморијата и нејзината потрошувачка на енергија, што ја прави не практична за вградување во компактни мобилни уреди како iPhone.
Зошто Apple се одлучи рано за PoP уште со iPhone 4?
Причината е едноставна – надворешниот дизајн. Поставувањето на меморијата директно на врвот на системот на чипот (SoC) ја намали вкупната површина која компонентите ја заземаат внатре во уредот, па од подебелиот iPhone на првата генерација добивме иконичен квадратен модел кој многу луѓе подоцна го копираа.
Од порано чипсети во Mac и iPad
Apple веќе порано користел дискретно пакување за своите SoC во Mac компјутерите и iPad уредите, па ова не е нова технологија за Apple, туку проширување на постојниот пристап на нова линија на производи. Mac компјутерите и iPad таблетите, поради нивната поголема внатрешна запремина, му овозможиле на Apple да имплементира дискретно пакување меморија без значајни просторно ограничувања кои постојат кај iPhone.
Ова претходно искуство со дискретно пакување во поголеми уреди му дава значителна предност на Apple во разбирањето како најдобро да ја имплементира оваа технологија во компактен простор како iPhone. Фактот што Apple веќе има практично искуство со оваа технологија, исто така сугерира дека компанијата има добро разбирање за предностите и предизвиците што ги носи дискретното пакување на меморијата, што може да го забрза и подобри процесот на имплементација во iPhone 18.
Samsung развива LPDDR6 меморија за Apple
Samsung веќе развива меморија од нова генерација, LPDDR6, за Apple, која ветува уште поголеми брзини и поширока пропусност. Сепак, преминот на дискретно пакување меморија носи и нови проблеми во дизајнот. Прилагодувањето на новата конфигурација на меморијата може да бара намалување на големината на батеријата или SoC.
Овој редизајн значи дека Apple ќе ги стави сите напори на оптимизација на внатрешната архитектура на iPhone 18 за AI обработка, бидејќи веќе сега ги гледа тесните грла во денешните уреди. Очигледно, функцијата за телефонирање и кореспонденција, која одамна не е фокус на дизајнот на Apple, ќе отстапи место за нов уред – AI асистент што ќе го надополни корисничкото искуство во различни области, од фотографија и игри до следење на здравјето.
