Apple подготвува лансирање на својот долго подготвуван модемски чип, проект во кој се инвестирани милијарди долари и кој трае повеќе од пет години. Во план е и мобилна конекција за Mac компјутерите…
Веќе пишувавме за гласините дека Apple планира свој модем, но овој пат потврда доаѓа од новинарот на Bloomberg, Марк Гурман: „Компанијата планира да го претстави првиот модем во 2025 година во iPhone SE моделот, но со ограничени можности во споредба со чиповите на Qualcomm, додека пок понапредна верзија е предвидена за 2026 година.”
Енормни трошоци за развој
Развојот на овој модемен чип претставува важен чекор за Apple во намалувањето на зависноста од надворешни добавувачи, особено компанијата Qualcomm, која досега била главен добавувач на модемски чипови за iPhone. Целта на Apple е до 2027 година целосно да ја замени Qualcomm технологијата. Во тој период Apple планира да го претстави својот трети модем, под кодно име Прометеј. Компанијата се надева дека до тогаш ќе ја надмине Qualcomm во перформансите и карактеристиките на вештачката интелигенција и ќе вгради поддршка за сателитски мрежи од следната генерација.
Енормни се трошоците за развој на сопствен модем: купиле ја Intel-овата модемска група за околу милијарда долари и дополнително инвестирале милијарди долари во поставување на тестни и инжинерски постројки ширум светот. Дополнително, вработиле многу поранешни стручњаци од Qualcomm.
Внимателно воведување
Apple планира постепено воведување на својот модем, бидејќи како да стравува да не се повтори нова “Antennagate” афера. Како што пишува Гурман: „Компанијата одлучи да започне со производи од пониска ценовна категорија, делумно затоа што модемот е ризичен проект: ако не работи исправно, корисниците ќе имаат прекинати повици и пропуштени известувања. За тоа има малку толеранција на најскапите уреди на Apple кои чинат повеќе од 1.000 долари.”
По претставувањето во iPhone SE, се очекува модемот да биде вграден во новиот iPhone од средната класа подоцна во текот на 2025 година и во iPad моделите од пониската ценовна категорија почетокот на 2026 година.
Sub-6 5G технологија
Иако првиот Apple модем можеби нема да ги има сите напредни можности на најновите компоненти на Qualcomm, нуди неколку предности. Новиот чип, со кодно име Sinope, ќе биде тесно интегриран со главните процесори на Apple, што би можело да ја подобри енергетската ефикасност и пребарувањето на мобилната мрежа. Модемот ќе поддржува Sub-6 5G технологија и агрегација на четири носители, иако почетно нема да ја поддржува mmWave технологијата. Се очекува дека во лабораториски тестови ќе овозможи брзини на преземање до 4 гигабита во секунда.
Далечни планови
Со својот модем во развој, Apple разгледува можност за воведување на мобилна поврзаност на Mac компјутери за прв пат. Ова значи дека корисниците нема да треба Wi-Fi за пристап до интернет. До сега оваа опција беше достапна само на iPhone, Apple Watch и iPad. Но, мобилните врски веројатно нема да стигнат на Mac пред 2026 година, кога Apple планира да претстави модем на втора генерација кој ќе поддржува поголеми брзини.
Компанијата исто така разгледува воведување мобилна поврзаност на своите носиви уреди, вклучувајќи ги идните модели Vision Pro. Во иднина оваа технологија може да се користи и во лесни наочари за проширена стварност, иако таков уред е далеку во иднината. Првиот модем ќе се појави и во поевтините iPad модели наредната година, додека надградбата од 2026 ќе биде на Pro верзиите на iPhone и iPad. Компанијата во моментов не развива сопствен модем за Apple Watch.
Последици за добавувачите
Воведувањето на сопствениот модем на Apple дефинитивно ќе има значајни последици за добавувачите, бидејќи Qualcomm моментално остварува повеќе од 20% од своите приходи од Apple. Слично ќе бидат погодени и други добавувачи на компоненти, како што е компанијата Qorvo Inc.
