Две кинески компании следната година ќе ги претстават своите нови паметни телефони со уште поголеми батерии.
Во текот на изминатите неколку недели, голем број кинески производители на смартфони лансираа уреди кои имаат батерии со капацитет од 6000 mAh или повеќе.
Сепак, според последните гласини кои излегуваат од Кина, тоа е само почеток. Red Magic веќе пристигна оваа година со батерија од 7.050 mAh, но наскоро ќе има конкуренција.
Според извештаите, во текот на 2025 година можеме да очекуваме Redmi и OnePlus уреди со капацитет на батерија од 7.000 mAh или повеќе.
Тоа, во комбинација со постојано подобрување на ефикасноста на мобилните чипови, значи дека траењето на батеријата на телефонот во 2025 година дефинитивно повеќе нема да биде проблем, дури и за најпребирливите корисници.
Најдобро од сè е што телефоните што ги видовме оваа година, а кои имаа батерии со капацитет од 6.000 mAh или повеќе, немаа зголемена дебелина. Тоа е благодарение на новата технологија што се користи, а се очекува слично да биде и во наредните години.
За жал, изворот на оваа информација не објави детали за тоа кои телефони Redmi и OnePlus ќе имаат батерии од 7.000 mAh или повеќе, но претпоставката е дека главни кандидати се серијата Redmi K90 и OnePlus 14.