A1 Македонија го најавува нaјновото издание на најголемиот е-спорт настан во земјата
А1 Македонија, во соработка со GG.MK, со гордост го најавува најочекуваниот и најголем е-спорт настан во земјата – А1 Game Fest 2024, powered by Neptun, организиран на супериорен оптички интернет.
Претстојниот викенд, на 14 и 15 декември, во „Ист гејт мол“ во Скопје ќе се сретнат сите натпреварувачи и посетители, кои повторно ќе имаат можност да го следат финалето, поточно највозбудливиот дел на гејминг доживувањето A1 Game Fest 2024, powered by Neptun.
Програмата за двата финални дена најавува незаборавен викенд за сите гејмери, косплеери, гикови, фанови, јутјубери, кастери и сите ентузијасти на турнири во Counter-Strike 2, Dota 2, Tekken 8, EA SPORTS FC™ 25. И повторно, секогаш креативниот Cosplay, годинава powered by MAX. За фановите на аналогните игри, следуваат натпревари во Board Games со Гоблин друштвени игри, Warhammer 40.000, а ќе можат да го посетат и ретро гејминг корнерот, scented by STR8.
Секако за сите посетители следуваат и многу подароци и изненадувања. Организаторите подготвија K-Pop party со Pagoda.mk и Sounds of Asia, e-Sports PRO Coaching со Void Esports, пренос со Дебели Гикови и епизода на GG.MK, поткаст во ЖИВО!
Програмата годинава е збогатена и со нови содржини креирани од поддржувачите на најголемиот е-спорт настан, Нептун, Квики Подравка, MAX и STR8, кои обезбедуваат награди за победниците и многу изненадувања за публиката.
Нептун, како официјален партнер на А1 Game Fest, за сите посетители подготвува неповторлива гејминг понуда! Во Нептун корнерот посетителите ќе уживаат во Driver Quarters искуство, изложба на high-end производи, попусти на избрани гејминг модели и купување до 48 рати без камата. Нептун нуди можност за врвно гејминг доживување, кое не смее да се пропушти!
Во рамките на фестивалот, посетителите ќе можат да го посетат Квики гејминг корнерот, каде што ќе уживаат во различни интерактивни активности, турнир во EA SPORTS FC 25, како и специјални изненадувања.
Компанијата ИТД Македонија ќе овозможи за посетителите тестирање на гејмерски конфигурации.
Се разбира, ни овој пат нема да изостанат јутјуберите и стримерите. Дури 8 стримери што ќе го стримаат настанот на своите канали за време на викендот. Посетителите ќе имаат можност во живо да ги запознаат македонските јутјубери TheGamerTeacher, ANGELKA, _mandar_v, Drenix, s1cko00, NightfurY, Purple Empress, како и популарниот српски јутјубер Escape Game Show.
Како круна на викендот, момците од GG.MK ексклузивно ќе имаат епизода ВО ЖИВО каде што заедно со јутјуберите и со публиката ќе дискутираат на теми поврзани со стримањето и „јутјубирањето“ на нашите простори.
Во рамките на својата програма „За подобар онлајн свет“, A1 Mакедонија како општествено одговорна компанија, која посветува особено внимание на едукација за новите дигитални вештини и безбедно користење на дигиталните алатки, оваа година повторно ги повикува младите за совесно однесување при гејмањето, со пораката „Гејмај одговорно“. Посебно изненадување годинава е настапот на тинејџерската атракција Teen Camp, кои ќе пренесат пораки за одговорно гејмање и ќе споделат совети за гејмерите за создавање здрави навики.
Детали и сите потребни информации за самите натпревари се достапни на https://www.a1.mk/gaming