Honor Magic7 Pro беше претставен е кон крајот на октомври во Кина, а сега е време да пристигне во Европа заедно со моделот Magic7 Lite. Новите информации ги открија нивните цени во Европската унија, како и спецификациите.
Magic7 Pro ќе чини 1.225,90 евра, а за оваа сума купувачите ќе добијат 12 GB RAM и 512 GB внатрешна меморија. Смартфонот ќе биде достапен во црна и сива боја.
Magic7 Lite ќе се продава по цена од 376,89 евра за конфигурацијата со 8 GB RAM и 512 GB внатрешна меморија, а купувачите ќе можат да изберат помеѓу црна и виолетова боја. Иако стандардниот модел Magic7 не е вклучен во достапниот ценовник, јасно е дека разликата помеѓу Lite и Pro моделот е доволно голема за лесно да се вклопи во понудата.
Magic7 Lite има 6,78-инчен OLED екран со стапка на освежување од 120 Hz и резолуција од 1.224 x 2.700 пиксели. Уредот го придвижува процесорот Snapdragon 6 Gen 1 од Qualcomm, а напојувањето е обезбедено со батерија со капацитет од 6.600 mAh. На задната страна се наоѓа главна камера од 108 MP и дополнителна камера од 5 MP. На предната страна е сместена селфи камера од 16 MP. Уредот работи со Android 14 и MagicOS 8.0 интерфејс, тежи 189 грама, а во пакувањето нема да има полнач.
Magic7 Pro за Европа е идентичен со кинескиот модел кој веќе е во продажба. Има 6,8-инчен LTPO OLED екран со резолуција од 1.280 x 2.800 пиксели и стапка на освежување од 120 Hz, додека максималната светлина изнесува 5.000 нити. Го придвижува процесорот Snapdragon 8 Elite, а смартфонот има три задни камери. Главната камера е од 50 MP со оптичка стабилизација на слика, ултраширока камера од 50 MP со автоматски фокус и перископска телефото камера од 200 MP со 3x оптичко зумирање.
Овој смартфон го напојува батерија со капацитет од 5.850 mAh со поддршка за жично полнење од 100W и безжично полнење од 80W. Работи на оперативниот систем Android 15 со MagicOS 9 интерфејс.