Circle to Search станува достапен на сè повеќе паметни телефони, а сега можат да го користат и сопствениците на некои од моделите на Nothing.
Функцијата на Google за полесно пребарување, Circle to Search, која првпат беше претставена на почетокот на годината со Galaxy S24, сега е достапна на следниtе модели на Nothing: Phone (2), Phone (2a) и Phone (2a) Plus.
Корисниците на овие модели на Nothing можат да ја активираат функцијата Circle to Search со долг притисок на копчето Home ако користат навигација со три копчиња, или со долг притисок на навигациската лента ако користат навигација со гестови. За прилагодување на оваа функција, потребно е да се оди во Settings, потоа Special features, Gestures, Navigation mode, и на крај да се избере Circle to Search.
Иако Circle to Search веќе треба да биде достапен за користење, Nothing им препорачува на корисниците на кои функцијата сè уште не работи да проверат дали нивниот Phone (2) е ажуриран на Nothing OS 3.0 со верзија Pong-V3.0-241207-0124, додека Phone (2a) треба да биде на верзија Pacman-V3.0-241210-2057. Овие два модела веќе ја добија стабилната верзија на интерфејсот на Nothing базиран на Android 15.
Од друга страна, Circle to Search на моделот Phone (2a) Plus моментално е достапен само на уредите со бета верзија PacmanPro-V3.0-241126-1448. Nothing ветува дека ќе издаде стабилна верзија на интерфејсот на почетокот на 2025 година.
