Lenovo официјално ја претстави првата рачна конзола која не е поврзана со Valve и користи SteamOS, а тоа е Legion Go S.
Оваа конзола ќе се продава и во верзија со оперативниот систем Windows 11 Home и претставува подостапна алтернатива на конзолата Legion Go, која пристигна на пазарот во 2023 година.
Legion Go S е направена од пластика и нема одвоиви џојстици. Може да се набави со процесорот AMD Ryzen Z1 Extreme или новиот Ryzen Z2 Go процесор, развиен во соработка со Lenovo.
Процесорот Z2 Go има 4 Zen4 јадра со осум нишки и максимален boost од 4,3 GHz, заедно со RDNA 2 GPU единица со 12 јадра, 10 MB кеш меморија и 15-30W конфигурабилен TDP.
Lenovo нуди до 32 GB LPDDR5X RAM со фреквенција од 6400 MHz и 1 TB PCIe SSD меморија за најдобрите модели на Legion Go S, додека основните модели започнуваат со 16 GB RAM и 512 GB интерна меморија.
Конзолата Legion Go S има прилагоден ColdFront систем за ладење со голем вентилатор и големи ладилници кои помагаат да се одржува температурата. Уредот располага со 8-инчен екран осетлив на допир со резолуција од 1.920 x 1.200 пиксели (WUXGA) и стапка на освежување од 120 Hz. Форматот на екранот е 16:10, а максималната светлина изнесува 500 нити.
Уредот има 23 копчиња, вклучувајќи Hall Effect џојстици со RGB осветлување. Тука се и 2 USB4 порти (Thunderbolt 4, DisplayPort 1.4 и Power Delivery 3.0), приклучок за слушалки и слот за microSD картичка. Дополнително, поддржува WiFi 6E и Bluetooth 5.3.
Legion Go S тежи 740 грама и е напојувана со батерија од 55,5 Whr, која поддржува полнење од 65W. Во пакувањето е вклучен и адаптер.
Купувачите можат да изберат помеѓу Glacier бела и Nebula виолетова боја.
Основниот модел Legion S со Ryzen Z2 Go процесор, SteamOS, 16 GB RAM и 512 GB интерна меморија чини 500 долари, а испораките започнуваат во мај.
Верзијата со Windows 11 доаѓа со 32 GB RAM и 1 TB интерна меморија по цена од 720 долари и ќе биде достапна до крајот на месецов.
